تحدث الإعلامي محمد الدسوقي رشدي، عن مخططات الإرهابين الذين يسعون إلى فرض سيطرتهم باستخدام القوة والسلاح، مؤكدا أن هدفهم أكبر من ثورات يهتفون فيها فقط.
أضاف “الدسوقي” خلال حلقة اليوم من برنامج “المهم”: “واحد بيقولي أنت بتقولنا إنهم بيخططوا لاستدعاء فكرة الثورة والفوضى والتظاهر، مفيش حاجة من دي الإخوان وتيارات الفكر السياسي ماتوا، وموضوع أحمد المنصور واللي حصل في سوريا ده صدفة حركة ملهاش معنى”.
نرشح لك: محمد الدسوقي رشدي يكشف عن مخطط إطلاق الثورات المسلحة في الوطن العربي
تابع: “في الحالة دي بيبقى عندي رد واحد، قولت له يا راجل كم أنت عليم بمواطن الأمور، قالي أنت بتسخر مني، أنت فاتح ملف 25 يناير وبتقول مراجعات عشان تثبت إن المسارات الإصلاحية والسياسية أفضل للبلد من مسارات الثورة والتظاهر والفوضى أنت عايز تخوف الناس وتعيشهم في وهم إن فيه مخطط قولت له لو جبتلك الدليل، تحداني وقال كلام مجرد كلام هنا يجي دورنا”.
وعرض الإعلامي محمد الدسوقي رشدي منشورًا لسيدة تدعى توكل كرمان جاء فيه: “إلى لندن للحديث في مؤتمر دولي مهم عن فجر جديد للربيع العربي، جمعتكم مباركة وأيامكم انتصارات”، موضحا: “الانتصارات اللي بتحتفل بيها انتصارات للمليشيات والإرهابين في كل مكان”.
أردف: “اللي جاي مش مخطط عشان تظاهر والناس تهتف في الشارع الهدف المرة دي نفس اللي حصل في سوريا، بالسلاح، إيه اللي صحى توكل كرمان تاني ورجع لندن للمشهد وفكرة المؤتمرات عن الربيع العربي”.
