يا ترى الحكومة بتعمل إيه عشان تجذب المستثمرين للسوق المصري؟ وهل فعلاً في خطة جديدة بتساعد على ضخ استثمارات محلية وأجنبية بشكل أكبر؟في الفترة الأخيرة.. الحكومة المصرية بدأت خطوات قوية لدعم الاستثمار بشكل غير مسبوق.. آخر الأخبار بتأكد إن وزير الاستثمار والتجارة الخارجية المهندس حسن الخطيب، شارك في المنتدى الاقتصادي العالمي 2025 في دافوس واستغل الحدث ده لتحقيق شراكات جديدة مع مستثمرين عالميين وكبار المسؤولين الاقتصاديين.طب إزاي ده بيحصل؟الحكومة دلوقتي بتشتغل على أكتر من محور لدعم الاستثمار من خلال إصلاحات اقتصادية ومناخ أعمال مميز والعمل على تحسين البنية التحتية بشكل كبير من تطوير شبكات الطرق لمشروعات الطاقة العملاقة، وإنشاء المدن الجديدة.. وكمان الاستثمار في مشروعات قومية زي محور قناة السويس اللي بيعتبر نقطة جذب للشركات الدولية.. وتحسين القوانين الاستثمارية وتسهيل الإجراءات الخاصة بتأسيس الشركات وتخفيض الضرائب في بعض القطاعات.بالاضافة كمان لتقديم إعفاءات ضريبية كبيرة للشركات اللي بتبدأ نشاطها في مجالات زي الطاقة المتجددة، الصناعة والتعدين مع دعم مادي وفني للشركات الناشئة وريادة الأعمال وتوفير أراضي صناعية بأسعار تنافسية وتسهيل إجراءات التملك.وفي لقاء أخير مع نائب وزير الصناعة السعودي خالد الموديفر، تم التركيز على قطاع التعدين باعتباره واحد من أهم القطاعات الواعدة في مصر.. مصر عندها ثروات معدنية ضخمة غير مستغلة بشكل كامل، وده بيخلي المجال ده فرصة كبيرة للشركات الدولية.. وخد بالك الاستثمار في التعدين ضمن خطة الحكومة لتنويع مصادر الدخل القومي وزيادة مساهمة الصناعات غير التقليدية في الناتج المحلي.وطبعا مش محتاجين نأكد ان مشاركة الحكومة في منتديات عالمية زي دافوس وغيره بتدي رسالة واضحة إن مصر جاهزة لاستقبال الاستثمارات.. وكل لقاء بيحصل بين المسؤولين المصريين والشركاء الدوليين بيهدف للترويج للفرص الاستثمارية وإبراز تطور البنية التحتية والتشريعات.. ودي خطوة بتفتح الباب لزيادة التعاون الاقتصادي زي ما شفنا في اللقاءات الأخيرة اللي وضحت فرص الاستثمار في مصر للشركات العالمية.ومع الحوافز اللي بتقدمها الحكومة متوقع إن الفترة الجاية تشهد دخول استثمارات أجنبية في مجالات كتيرة زي الصناعات الثقيلة.. الطاقة المتجددة.. والسياحة.. وده معناه فرص عمل أكتر للشباب وزيادة في الصادرات وتحسين في ميزان المدفوعات وكمان دعم مباشر للاقتصاد من خلال مشاريع كبيرة تضيف قيمة للناتج المحلي الإجمالي.والرسالة هنا واضحة.. مصر مش بس جاهزة للاستثمار.. مصر كمان بتقول للمستثمرين “إحنا هنا لدعمكم”.
